Raza Musani 
مشرق وسطیٰ میں کشیدگی خطے کے دیگر ممالک تک پھیل گئی، امریکا نے چین، بھارت، روس اور ایران کے اداروں پر نئی پابندیاں عائد کر دیں۔ خبر ایجنسی کے مطابق امریکا نے ایران سے متعلق نئی پابندیوں کا اعلان کر دیا، ماہان ایئر سے مبینہ تعلق پر ایران، روس، چین اور بھارت کے متعدد ادارے امریکی پابندیوں کی زد میں آئے ہیں۔
چین اور بھارت کی 3 ٹریول و لاجسٹکس کمپنیاں بھی امریکی پابندیوں کا نشانہ بن گئیں جبکہ روسی کارگو کمپنی اور ایرانی اسٹارٹ اپ اسٹوڈیو بھی پابندیوں کا شکار اداروں کی فہرست میں شامل ہیں۔ خیال رہے کہ گزشتہ روز ٹرمپ انتظامیہ نے ایران کے خلاف پابندیوں کے ایک نئے مرحلے کا اعلان کرتے ہوئے 8 تیل بردار جہازوں اور 10 مختلف اداروں کو نئی پابندیوں کی فہرست میں شامل کیا تھا۔
