اقتصادی بائیکاٹ نہ عملی اقدام پرزور،او آئی سی کی روایتی قراراداد

حالات کی خرابی کا ذمہ دار اسرائیل ہے،57 اسلامی ملکوں کی نمائندہ تنظیم او آئی سی نے اسرائیل کے وحشیانہ حملوں کو روایتی قرارداد منظور کرکے معاملہ نمٹادیا
سلامتی کونسل فوری طور پر اسرائیلی حملے بند کروائے،، مسجد اقصی اور القدس کی حیثیت مسلم امہ کیلئے ریڈ لائن ہے،اسرائیل صورتحال کو مزید بگاڑنے سے باز رہے
جدہ (نیوز ڈیسک) 57 اسلامی ملکوں کی نمائندہ تنظیم او آئی سی نے فلسطین پر اسرائیلی بمباری اور وحشیانہ حملوں کو ایک روایتی قرارداد منظور کرکے نمٹادیا، جبکہ نہ اقتصادی بائیکاٹ کی بات کی گئی نہ کسی اور ایکشن کامطالبہ کیا گیا قرارداد میں کہا گیا کہ حالات کی خرابی کا ذمہ دار مکمل طور پر اسرائیل ہے، مسجد اقصی اور القدس الشریف کی حیثیت مسلم امہ کے لیے ریڈ لائن کی سی ہے اجلاس میں کہا گیا کہ قابض اسرائیل فلسطینیوں کے خلاف وحشیانہ حملے بند کرے، سلامتی کونسل فوری طور پر اسرائیلی حملے بند کروائے اجلاس میں اسرائیل کے توسیعی منصوبے مسترد کرتے ہوئے نوآبادیاتی پالیسی پر تحفظات کا اظہار کیا گیا قرارداد میں کہا گیا کہ اسرائیل صورتحال کو مزید بگاڑنے سے باز رہے، انسانی حقوق کی خلاف ورزیاں اور مقدس مقامات کی بے حرمتی بند کرے قرار داد میں مطالبہ کیا گیا کہ عالمی برادری اپنی ذمہ داریاں پوری کرے