صیہونی درندگی، 3 ہفتوں میں 31 فلسطینی شہید،441 زخمی

مقبوضہ بیت المقدس: اسرائیلی فوج نے تین ہفتوں کے دوران مقبوضہ مغربی کنارے میں اکتیس فلسطینی شہید اور درجنوں املاک تباہ کردیں۔اقوام متحدہ کےدفتر رابطہ برائے انسانی امور نے 10 اور 30 جنوری کے درمیان اسرائیلی مظالم کی رپورٹ جاری کردی۔ رپورٹ کے مطابق 10 فلسطینی تو ایک ہی جنین اور اس سے ملحقہ پناہ گزین کیمپ پر صیہونی فوج کے چھاپے میں مارے گئے۔ شہدا میں دو بچے اور ایک خاتون شامل ہیں۔ 2005 کے بعد یہ سب سے بڑی تعداد ہے۔ اس عرصے میں 49 بچوں سمیت 441 فلسطینی زخمی ہوئے۔ 74 فلسطینی اسرائیلی فوج کی براہ راست فائرنگ کا نشانہ بنے۔