Raza Musani 
مقبوضہ بیت المقدس : غاصب صیہونی فوجیوں نے شہر اریحا میں عقبہ جبر کیمپ کو اپنی جارحیت کا نشانہ بنایا ہے۔ صیہونی فوجیوں نے فلسطینی قیدی ماہرشلون کے مکان کو جارحیت کا نشانہ بنایا اور تیرہ فلسطینیوں کو گرفتار بھی کر لیا۔ حالیہ دنوں میں مقبوضہ بیت المقدس اور غرب اردن کے مختلف علاقوں میں فلسطینیوں اور صیہونی فوجیوں کے درمیان جھڑپوں کا سلسلہ شدت کے ساتھ جاری رہا ہے جبکہ صیہونی فوجیوں نے غرب اردن کے مختلف علاقوں سے کئی فلسطینیوں کو گرفتار بھی کر لیا ہے۔
