Raza Musani 
یمن کی مسلح افواج کے ترجمان نے اعلان کیا ہے کہ یمن نے اسرائیل کی وزارت جنگ کو میزائل حملے کا نشانہ بنایا ہے۔ فارس نیوز کے مطابق، یمنی مسلح افواج کے ترجمان یحییٰ سریع نے بتایا کیا کہ یمن نے ایک منفرد آپریشن کے دوران اسرائیل کی وزارت جنگ کو مقبوضہ یافا کے علاقے میں نشانہ بنایا ہے۔ سریع نے مزید بتایا کہ یہ آپریشن ایک بیلیسٹک ہائپر سونک میزائل فلسطین 2 کے ذریعے کیا گیا اور یہ بالکل درست طور پر اپنے ہدف کو جا پہنچا۔
یمنی مسلح افواج کے ترجمان نے یہ بھی بتایا کہ اسرائیل کے دفاعی نظام اس میزائل کو روکنے میں ناکام رہا۔ صیہونی میڈیا نے آج صبح فلسطین کے مقبوضہ علاقے میں میزائل حملے کے خطرے کے لئے الارم بجنے کی خبر دی تھی۔ خبری ذرائع نے بتایا کہ تل ابیب کے میٹروپولیٹن علاقے میں دفاعی نظام فعال ہو گیا تھا اور متعدد دھماکوں کی آوازیں سنی گئیں۔ صیہونی میڈیا نے اطلاع دی ہے کہ حملے کے دوران پناہ کی تلاش میں 11 آباد کار زخمی ہوئے، بعض ذرائع نے 15 کے زخمی ہونے کی نشاندہی کی ہے۔ حملے کے بعد تقریباً 2 ملین شہری پناہ گاہوں میں پناہ گزین ہو گئے۔
