Raza Musani 
رام اللہ : اسرائیل نے مقبوضہ مغربی کنارے میں پانچ غیر قانونی صیہونی بستیوں کو قانونی حیثیت دینے کا کام شروع کردیا۔
اسرائیلی حکومت نے مقبوضہ مغربی کنارے میں پانچ صیہونی بستیوں میں قائم غیر مجاز چوکیوں کو باضابطہ لائسنس جاری کرکے انہیں قانونی حیثیت دے دی ہے۔ اس فیصلے کا اعلان وزیرِ خزانہ بیزلیل اسموٹریچ نے سوشل میڈیا پلیٹ فارم ایکس پر کیا۔ اسموٹریچ نے اس اقدام کو فلسطینی ریاست کے تصور کو کمزور کرنے کی کوشش قرار دیا ہے۔ انہوں نے بتایا کہ حکومت نے شمالی مغربی کنارے میں ہومش اور دیگر چار چوکیوں کو سرکاری آبادکاری کوڈز جاری کیے ہیں۔ اور گزشتہ ایک ماہ میں بیس نئی آبادکاریوں کو سرکاری کوڈز دیے جا چکے ہیں۔ آبادکاری کوڈ ایک انتظامی اور قانونی شناخت ہوتی ہے جس کے تحت چوکیوں کو سرکاری منصوبہ بندی اور سہولیات میں شامل کر لیا جاتا ہے۔
