شادی کی تقریب پر حملے میں استعمال ہتھیار امریکی ساختہ تھے، ایرانی عدلیہ

تہران : ایران کے شہر سیرک میں شادی کی تقریب پر حملے میں استعمال کئے گئے ہتھیار امریکی ساختہ تھے۔ ایرانی عدلیہ نے ہتھیاروں کے ثبوت پیش کردئے۔ ایرانی عدلیہ کے مطابق شادی کی تقریب کے مقام سے ملنے والے میزائل اور گولہ بارود کے ٹکڑوں کا جدید تکنیکی آلات سے جائزہ لیا گیا۔ تحقیقات میں ٹکڑوں پر درج تحریروں، بارکوڈز اور دیگر نشانات کی جانچ کی گئی، جن سے ہتھیاروں کا تعلق امریکی فوج سے ثابت ہوا۔ حکام کا کہنا ہے کہ ہتھیاروں میں استعمال کی گئی تھرمل بیٹریاں امریکی فوج کے زیرِ استعمال درست نشانے والے بموں کے رہنمائی نظام میں استعمال ہوتی ہیں۔