جنگ، مذاکرات اور جنگ بندی کے شیطانی چکر کو برداشت نہیں کریں گے، ترجمان

تہران : ایران نے امریکی صدر کے خطاب پر ردعمل دیتے ہوئے واضح کیا ہے کہ وہ جنگ، مذاکرات اور جنگ بندی کے شیطانی چکر کو برداشت نہیں کرے گا۔ ترجمان ایرانی وزارت خارجہ اسماعیل بقائی نے کہا کہ جاری جنگ نہ صرف ایران بلکہ پورے خطے اور دنیا کے لیے تباہ کن ثابت ہو سکتی ہے۔ انہوں نے کہا کہ جب تک امریکی اور اسرائیلی حملے جاری رہیں گے، ایران بھی بھرپور جواب دیتا رہے گا۔ ترجمان کے مطابق ایران خلیجی ہمسایہ ممالک کو دشمن نہیں سمجھتا اور ان کے ساتھ بہتر تعلقات کا خواہاں ہے۔ ان کا کہنا تھا کہ امریکا اور اسرائیل خلیجی ممالک کی سرزمین کو ایران کے خلاف استعمال کر رہے ہیں، اور یہ ایک ناجائز جنگ ہے جو ایرانی عوام پر مسلط کی گئی ہے۔