Raza Musani 
انقرہ : ترکیہ میں صدارتی اور پارلیمانی انتخابات کے لئے ووٹنگ کا عمل جاری ہے۔ الیکشن میں6 کروڑ 41 لاکھ ووٹرز حق رائے دہی استعمال کرنے کے اہل تھے۔ جس میں پانچ کروڑ نئے ووٹرز شامل ہیں۔صدارت کیلئے صدر رجب طیب اردوان سمیت تین امیدوار مدمقابل ہیں۔ اصل مقابلہ اپوزیشن رہنما کمال قلیچ داراوغلو کے درمیان ہے۔ تینوں امیدواروں میں سے کوئی امیدوار اکاون فیصد ووٹ حاصل نہ کرسکا تو دو امیدواروں کے درمیان 28 مئی کو دوبارہ مقابلہ ہوگا۔ صدر رجب طیب اردون کو اس بار سخت مقابلہ درپیش ہے۔ ملک کی بدحال معیشت اور شہری آزادیوں کے خلاف کریک ڈاؤن کی وجہ سے عوام خوش نہیں ہیں۔ پارلیمان کی 600 نشستوں کے لیے 30 پارٹیوں اور 151 آزاد امیدواروں نے حصہ لیا ہے۔
