سات سال سے زیادہ عمر کے ویکسینیٹڈ بچوں کو حرمین شریفین میں داخلے کی اجازت

مکہ : ڈھائی سال سے زیادہ کے وقفے کے بعد سات سال سے زیادہ عمر کے بچوں کو مسجد الحرام مسجد نبوی میں داخل ہونے کی اجازت دے دی گئی ہے۔سعودی عرب کی وزارت حج وعمرہ نے کل جمعہ سے 7 سال کی عمر کے بچوں کو مسجد حرام میں داخل ہونے کی اجازت دینے کے فیصلے کے بارے میں بتایا۔ وزارت حج اور عمرہ نے کہا ہے کہ اگر سات سال سے زائد عمر بچوں نے ویکیسن لگوالی ہے وہ ویکسی نیٹڈ ہیں تو انہیں حرمین شریفین میں داخلے کی اجازت دی گئی ہے۔