Raza Musani 
نئی دہلی :ہندوستان کے صوبے اتر پردیش میں گائے اسمگلنگ اور ذبح کرنے میں ملوث 120 مسلمانوں کو گرفتارکرلیا گیا۔ اترپردیش کے ضلع بریلی میں پولیس نے 29 تھانوں کی حدود میں کریک ڈاؤن کیا اور گائے ذبح کرنے کے جرم میں دس افراد کو حراست میں لے لیا۔ جبکہ ایک سو دس افراد کو معاونت اور احتیاطی کارروائی کے طور پر پکڑا گیا۔ ایس پی رول راجکمار اگروال کا کہنا ہے کہ 110 وہ ہیں جن کی جانب سے ممکنہ طور پر گائے کو ذبح کیے جانے کا خدشہ تھا اور ان کو پیشگی طور پر گرفتار کیا گیا ہے۔ گرفتار افراد سے بڑی مقدار میں بڑا گوشت اور گائے کو ذبح کرنے کا سازوسامان بھی برآمد کیا گیا ہے۔ گائے کو ذبح کیے جانے کے واقعات کے باعث ضلع میں امن وامان کی صورت حال خراب ہو رہی تھی۔
