Raza Musani 
تہران: ایرانی وزیر خارجہ عباس عراقچی نے خبردار کیا ہے کہ امریکا کا ایران کے منجمد اثاثوں کو ہرجانے کے طور پر استعمال کرنا خطرناک عالمی نظیر ثابت ہوگا۔ عباس عراقچی نے سوشل میڈیا پلیٹ فارم ایکس پر اپنے بیان میں ٹرمپ کے مؤقف پر شدید تنقید کی۔ انہوں نے کہا کہ اگر حکومتیں اثاثے ضبط کرنے کو معمول بنا لیں تو پھر کسی بھی ملک کے مالی وسائل محفوظ نہیں رہیں گے۔ انہوں نے خبردار کیا کہ ایسی پالیسی عالمی سطح پر بدامنی اور افراتفری کو جنم دے سکتی ہے۔ اور یہ روایت عالمی مالیاتی نظام کے لیے خطرناک مثال بنے گی۔
امریکی صدر ڈونلڈ ٹرمپ نے اعلان کیا تھا کہ اب سے کسی بھی جہاز پر حملے کی صورت میں ہونے والے نقصان کا ہرجانہ ایرانی اثاثوں سے ادا کیا جائے گا۔
