امریکی اسلحہ غزہ میں شہریوں کو مارنے کیلئے استعمال کیا گیا، بائیڈن کا اعتراف

واشنگٹن : امریکی صدر جوبائیڈن نے تسلیم کیا ہے کہ امریکی اسلحہ غزہ میں شہریوں کو مارنے کیلئے استعمال کیا گیا۔ اسرائیل کو فیصلہ کرنا ہوگا کہ اسے رفح پر حملہ کرنا ہے یا ہم سے اسلحے حاصل کرنا ہے۔ سی این این کو انٹرویو میں امریکی صدر نے کہاکہ نیتن یاہو کو بتادیا ہے کہ رفح آپریشن کی امریکہ حمایت نہیں کرتا اسرائیل نے تاحال رفح سے فلسطینیوں کے باحفاظت انخلاء کا انتظام نہیں کیا ہے۔ امریکہ اسرائیل کے دفاع کے حق کو تسلیم کرتا ہے لیکن اسرائیل کی جانب سے شہریوں کے قتل عام کو قبول نہیں کرسکتے ہیں۔ اگر وزیر اعظم بنیامین نیتن یاہو رفح شہر پر بڑے حملے کا حکم دیتے ہیں تو وہ اسرائیل کو امریکی ہتھیاروں کی کچھ کھیپ روک دیں گے۔