اسرائیل کیلئے امریکی حمایت، مہلک ہتھیاروں سے پاک زون کے قیام کی راہ میں رکاوٹ ہے، ایران

نیویارک: اقوام متحدہ میں ایران کے سفیر اور مستقل نمائندے نے کہا ہے کہ اسرائیل کے جوہری پروگرام کیلئے امریکی حمایت اور پشت پناہی مغربی اشیاء میں مہلک ہتھیاروں سے پاک زون کے قیام کی راہ میں رکاوٹ کا باعث بنی ہے۔ اقوام متحدہ میں ایران کے سفیراور مستقل نمائندے مجید تخت روانچی نے اقوام متحدہ میں بڑے پیمانے پر تباہی پھیلانے والے ہتھیاروں سے پاک مغربی اشیاء کی دوسری کانفرنس سے خطاب میں کہا کہ بہت سے ممالک اور بڑی طاقتیں اس اجلاس میں شرکت کر رہی ہیں تاہم امریکہ اور اسرائیل نے اجلاس کی مخالفت کرتے ہوئے اس اجلاس میں شرکت نہ کرنے کا اعلان کیا۔ مجید تخت روانچی نے کہا کہ اس قسم کی رکاوٹوں کو دور کرنے کیلئے پہلی شرط یہ ہے کہ اسرائیل این پی ٹی میں ایک غیر جوہری رکن کے طور پر شامل ہو جائے اور عالمی معائنہ کاروں کو اپنی ایٹمی تنصیبات کے معائنے کی اجازت دے۔
اقوام متحدہ میں ایرانی سفیر اور مستقل نمائندے نے مزید کہا کہ مشرق وسطیٰ کی خصوصی صورت حال کے پیش نظر، ایک معاہدے پر بات چیت میں کافی وقت لگے گا اور اس عمل میں تمام پیشگی شرائط کو منسوخ کیا جانا چاہیے تاکہ سب کچھ اتفاق رائے سے کیا جا سکے۔