Raza Musani 
شکاگو : امریکی ریاست الینیوس کے شہر شکاگو میں آزادی پریڈ پر فائرنگ سے 6 افراد ہلاک اور دو درجن سے زائد زخمی ہوگئے واقعہ کے کئی گھنٹے بعد ملزم کو گرفتار کرلیا گیا. پولیس کےمطابق شکاگو کے نواحی علاقے ہائی لینڈ پارک میں ملزم نے بلند عمارت کی چھت سے دور مار خود کار رائفل کےذریعے آزادی پریڈ پر گولیاں برسائیں اور فرار ہوگیا واقعہ میں استعمال کی گئی رائفل قانون نافذ کرنے والے اداروں کو مل گئی ہے رائفل پر پائے گئے انگلیوں کے نشانات سے
واقعہ میں ملوث 18 سالہ نوجوان کی رابرٹ کریمو کے نام سے شناخت ہوئی، جس کے بعد قانون نافذ کرنے والے اداروں نے پوچھ گچھ کیلئے ملزم کے والدین کو حراست میں لے لیا ہے ملزم کا تعلق سفید فام خاندان سے ہے تاہم اس کا ابھی تک کسی سفید فام بالا دستی کے حامی گروپ سے تعلق کا ثبوت نہیں ملا ہے. شکاگو میں آزادی پریڈ پر فائرنگ کے بعد امریکا بھر میں سیکیورٹی ہائی الرٹ کردی گئی ہے امریکی حساس ادارے نے امریکا بھر میں جشن آزادی کی پریڈز اور آتشبازی کےدیگر پروگرام منسوخ کرنے کی تجویز دی ہے اور خبردار کیا ہے کہ بلند بالا عمارتوں کے نزدیک تقریبات کے انعقاد سے گریز کیا جائے یا پھر اطراف کی عمارتوں پر پولیس کے اسنائپرز لازمی طور تعینات کئے جائیں.
