ایران کے خلاف امریکی دباو سیاسی محرکات کا نتیجہ ہے،روس

امریکا کا ایٹمی معاہدہ سے نکل کر قرارداد کو استعمال کرنے کا دعویٰ مضحکہ خیز ہے
ماسکو(نیوزڈیسک) روس نے اسلامی جمہوریہ ایران کے خلاف امریکی دباو¿ کو سیاسی محرکات کا حامل قرار دیتے ہوئے عالمی برادری سے مطالبہ کیا ہے کہ وہ ایران کے خلاف اسلحہ جاتی پابندیوں کی مدت میں توسیع کے حوالے سے امریکی اقدام کی مذمت کرے ،وزیر خارجہ سرگئی لاروف نے اقوام متحدہ کے سیکریٹری جنرل انتونیو گوتریس کے نام خط میں کہا کہ امریکا یکطرفہ طور پر ایٹمی سمجھوتے سے باہر نکلا ہے ،اسے سلامتی کونسل کی قرارداد 2231 کو استعمال کرنے کا کوئی قانونی حق نہیں ، امریکی وزارت خارجہ کا یہ اعلان کہ ٹرمپ ایٹمی سمجھوتے میں کئے گئے وعدوں پر عملدرآمد کا ارادہ نہیں رکھتے بلکہ قرارداد2231 کے مطابق اپنے حق کو استعمال کرنا چاہتے ہیں، مضحکہ خیز اور غیر ذمہ دارانہ ہے۔