Raza Musani 
واشنگٹن : امریکی صدر ڈونلڈ ٹرمپ نے ایران جنگ کا ملبہ اپنے مشیروں پر ڈال دیا۔ انہوں نے کہا کہ وٹکوف، کشنر او رپیٹ ہیگستھ کے موقف سے لگا ایران حملے کی تیاری کررہا ہے۔ جبکہ ایرانی وزیر خارجہ عباس عراقچی نے ٹرمپ کے دعویٰ کومسترد کردیا۔
فلوریڈا میں پریس کانفرنس کے دوران ڈونلڈ ٹرمپ نے دعویٰ کیا کہ ایران کے ساتھ صورتحال تیزی سے ناقابل واپسی مرحلے تک پہنچ گئی تھی۔ ٹرمپ کے مطابق انہیں یقین تھا کہ اگر امریکا پہلے اقدام نہ کرتا تو ایران ایک ہفتے کے اندر حملہ کر دیتا۔ ٹرمپ نے کہا کہ امریکا کے پاس کم لاگت والے ایسے دفاعی نظام موجود ہیں جو ایرانی ڈرون خطرے کا مؤثر مقابلہ کر سکتے ہیں۔ انہوں نے ایران کو خبردار کیا کہ عالمی تیل کی ترسیل میں خلل ڈالنے یا آبنائے ہرمز بند کرنے کی صورت میں امریکا سخت فوجی ردعمل دے گا۔
ادھر ایرانی وزیر خارجہ عباس عراقچی نے ٹرمپ کے دعویٰ کو مسترد کرتے ہوئے کہا ہےکہ اس دعویٰ کا مقصد جارحیت کو جواز فراہم کرنا ہے۔ کارروائی دراصل اسرائیل کی تیار کردہ غلط مہم جوئی تھی جس کی قیمت عام امریکی شہریوں کو چکانا پڑی۔
