امریکا کا ایران پر حملے کا منصوبہ، خوف اسرائیل میں

تل ابیب : اسرائیل نے ایران پر ممکنہ امریکی حملے کے پیشِ نظر ہائی الرٹ کردیا ہے۔ نیویارک ٹائمز کی ایک رپورٹ میں سینئر امریکی حکام کے حوالے سے بتایا گیا ہےکہ امریکی صدر ڈونلڈ ٹرمپ ایران میں فوجی کارروائی پر سنجیدگی سے غور کر رہے ہیں۔ ٹرمپ کو ایران میں فوجی و غیر فوجی اہداف پر حملوں سمیت کئی آپشنز پر بریفنگ دی گئی۔ ٹرمپ کو آگاہ کیا گیا کہ ایران جوابی طور پر خطے میں امریکی اہلکاروں اور سفارتی تنصیبات کو نشانہ بنا سکتا ہے جس کیلئے تیاری کرنے کی ضرورت ہوگی۔ اسرائیلی ذرائع نے بتایا ہے کہ اسرائیل نے ایران میں ممکنہ امریکی فوجی مداخلت کے خدشات کے باعث اپنی سیکیورٹی فورسز کو ہائی الرٹ پر رکھا ہے۔
ادھر اسرائیلی وزیراعظم بینیامین نیتن یاہو اور امریکی وزیر خارجہ مارکو روبیو نے ایران میں ممکنہ امریکی مداخلت پر تبادلہ خیال کیا۔