Raza Musani 
واشنگٹن: امریکا کی 56 انسانی حقوق اور سول سوسائٹی تنظیموں نے کانگریس سے اسرائیل کے ساتھ فوجی تعاون مزید گہرا کرنے کے قانون کی متنازع شق ختم کرنے پر زور دیا ہے۔ امریکی دفاعی بجٹ میں شامل ایک شق کے خلاف انسانی حقوق کی تنظیموں نے کانگریس سے کارروائی کا مطالبہ کیا ہے۔
انسانی حقوق اور سول سوسائٹی کی چھپن تنظیموں نے ایوان نمائندگان اور سینیٹ کی مسلح افواج کی کمیٹیوں کے سربراہان کو خط لکھا ہے اور مطالبہ کیا ہے کہ آئین کی شق دو سو انیس کو حذف کیا جائے جس میں اسرائیل کے ساتھ فوجی ٹیکنالوجی کی مشترکہ تیاری اور تعاون کو مزید وسعت دینے پر اتفاق کیا گیاہے۔ تنظیموں نے خبردار کیا کہ اسرائیل کے ساتھ دفاعی شعبے کا مزید انضمام انتہائی خطرناک ثابت ہوسکتا ہے۔ ان کا کہنا ہے کہ غزہ میں اسرائیلی کارروائیوں اور مقبوضہ مغربی کنارے میں غیرقانونی صیہونی آبادکاروں کے بڑھتے تشدد کے تناظر میں فوجی تعاون بڑھانا قابلِ قبول نہیں۔
