Raza Musani 
مناما : ایران کے جوابی حملوں کے بعد بحرین میں امریکی بحری اڈہ خالی کرالیا گیا۔ سینکڑوں امریکی اہلکاروں کو ہنگامی طور پر منتقل کر دیا گیا۔ بحرین کے دارالحکومت منامہ میں امریکی بحریہ کا ففتھ فلیٹ مسلسل ایران کے میزائل اور ڈرون حملوں کی زد میں ہے۔ واشنگٹن میں قائم نیشنل پبلک ریڈیو (این پی آر) نے بحریہ کے ترجمان کا حوالہ دیتے ہوئے کہا کہ ایران کے جوابی حملوں نے امریکی فوج کے پندرہ سو اہلکاروں اور ان کے اہل خانہ کو ہنگامی طور پر منتقل کرنے پر مجبور کردیا۔ حالیہ حملوں کے دوران ایرانی میزائلوں اور ڈرونز نے اڈے کو متعدد بار نشانہ بنایا۔ رپورٹ میں کہا گیا ہے کہ امریکی اہلکار عجلت میں اڈہ چھوڑنے پر مجبور ہوئے اور اپنی ذاتی اشیاء بھی پیچھے چھوڑ گئے۔ دوسری جانب پینٹاگون نے خطے میں بڑھتے خطرات کے پیش نظر فوجیوں کے تحفظ کے لیے خصوصی مضبوط پناہ گاہوں کے لیے اقدامات شروع کر دیے ہیں۔
