Raza Musani 
واشنگٹن : امریکی ویب سائٹ دی انٹرسیپٹ نے دعویٰ کیا ہے کہ امریکی محکمۂ جنگ نے ایران کی جوابی کارروائیوں میں فوجی جانی نقصانات کی گنتی کا طریقۂ کار تبدیل کر دیا ہے۔ دی انٹرسیپٹ کی رپورٹ کے مطابق سات جولائی کے بعد امریکی فوجی جانی نقصانات کو ڈیفنس کیجولٹی اینالسس سسٹم کے بجائے اب الگ زمرے اوورسیز آپریشنز میں درج کیا جا رہا ہے۔ رپورٹ میں دعویٰ کیا گیا ہے کہ 7 جولائی سے اب تک ایران کی جوابی کارروائیوں میں 273 امریکی فوجی ہلاک یا زخمی ہوئے ہیں۔ جبکہ مجموعی تعداد 704 تک پہنچ چکی ہے۔ دی انٹرسیپٹ نے دعویٰ کیا کہ اس کے اپنے اعداد و شمار کے مطابق اصل تعداد 900 سے زائد ہو سکتی ہے۔ امریکی حکام کے مطابق نیا نظام جانی نقصانات کی تعداد کو کم ظاہر کرنے کے لیے بنایا گیا ہے۔ دوسری جانب امریکی محکمۂ جنگ کے ترجمان شان پارنیل نے کہا کہ جانی نقصانات سے متعلق معلومات چھپانے کی خبریں بے بنیاد اور گمراہ کن ہیں۔
