امریکی فوج کے شام میں داعش کے ٹھکانوں پر فضائی حملے

دمشق : امریکی فوج نے شام میں داعش کے ٹھکانوں کو فضائی حملوں کا نشانہ بنایا ہے اور اس کا مقصد گروپ کے جنگجوؤں کا خاتمہ کرنا بتایا ہے۔ امریکی سینٹرل کمانڈ کے مطابق لڑاکا طیاروں، حملہ آور ہیلی کاپٹروں اور توپ خانے کی مدد سے داعش کے ستر مختلف اہداف کو نشانہ بنایا گیا۔ یہ کارروائی امریکی فوجیوں کی ہلاکت کے جواب میں کی گئی۔
امریکی صدر ٹرمپ نے تصدیق کی ہے کہ فالکن آئی کے نام سے کی گئی کارروائی نہایت کامیاب رہی۔ ٹرمپ نے کہا کہ امریکی افواج نے تمام اہداف کو غیر معمولی درستگی کے ساتھ نشانہ بنایا۔ ان کے مطابق ہر ہدف کو مکمل درستگی کےساتھ تباہ کیاگیا۔ انہوں نے کہا کہ امریکا طاقت کے ذریعے دنیا کے مختلف حصوں میں امن واپس لا رہا ہے۔
امریکی وزیردفاع پیٹ ہیگستھ کہا کہ یہ جنگ کا آغاز نہیں ہے – یہ انتقام کا اعلان ہے۔ امریکہ اپنے شہریوں کا دفاع کرنے میں کبھی ہچکچاہٹ محسوس نہیں کرے گا۔