Raza Musani 
دوحہ: قطر، پاکستان اور دیگر علاقائی ممالک امریکا اور ایران کے درمیان مذاکرات بحال کرانے کے لیے متحرک ہو گئے ہیں۔ دونوں ممالک میں مذاکرات آئندہ ہفتے سوئٹزرلینڈ میں ہونے کا امکان ہے۔ امریکی ویب سائٹ ایگزیوس کے مطابق قطر، پاکستان، ترکیہ، مصر اور سعودی عرب سفارتی رابطوں کے ذریعے ایران اور امریکا کے درمیان کشیدگی کم کرنے کی کوشش کر رہے ہیں۔ رپورٹ میں کہا گیا ہے کہ ایران پر حالیہ فضائی حملوں کے باوجود واشنگٹن مکمل جنگ سے گریز اور مذاکرات کی بحالی کا خواہاں ہے۔ ثالث ممالک کا مؤقف ہے کہ گزشتہ مذاکرات میں جوہری معاہدے کی جانب پیش رفت ہوئی تھی، جسے ضائع نہیں ہونے دینا چاہیے۔ قطری حکام امریکی رابطے کے بعد ایران پہنچے، جہاں ایرانی حکام سے مذاکرات جاری ہیں۔
