امریکا کا سی 130 اور 2 بلیک ہاک ہیلی کاپٹر تباہ

تہران : امریکا نے ایران میں لاپتہ اپنے پائلٹ کو بحفاظت نکالنے کا دعویٰ کیا ہے۔ جبکہ ایران نے امریکا کے سی ون تھرٹی ٹرانسپورٹ طیارے اور دو بلیک ہاک ہیلی کاپٹر تباہ کردئے۔ امریکی حکام نے دعویٰ کیا ہےکہ پائلٹ کو ایران کے دشوار پہاڑی علاقے میں شدید لڑائی کے بعد ریسکیو کیا گیا۔ آپریشن میں خصوصی دستے کے سیکڑوں اہلکاروں۔ درجنوں جنگی طیاروں اور جدید ہتھیاروں کا استعمال کیا گیا۔ پائلٹ شدید زخمی تاہم محفوظ ہے۔ اسے ایران سے باہر منتقل کردیا گیا ہے۔
ایران کے مطابق آپریشن میں چار امریکی ہلاک اور کئی زخمی ہوگئے۔ ادھر ایرانی خاتم الانبیاء مرکزی ہیڈکوارٹر کے ترجمان لیفٹیننٹ کرنل ابراہیم ذوالفقاری نے امریکا کا ریسکیو مشن ناکام بنانے کا دعویٰ کیا ہے۔ امریکا کے دو سی 130 فوجی طیارے اور دو بلیک ہاک ہیلی کاپٹر تباہ کر دیے۔ انہوں نے کہا کہ اس کارروائی سے ثابت ہوگیا کہ ایرانی مسلح افواج کے عزم کے سامنے امریکی فوج برتری حاصل نہیں کر سکتی۔