امریکی اڈے اب قابلِ استعمال نہیں رہے، سابق سینٹ کام سربراہ

واشنگٹن: سینٹکام کے سابق کمانڈر اور سی آئی اے کے سابق سربراہ ڈیوڈ پیٹریئس نے کہاہےکہ ایران کے حملوں کے بعد خطے میں امریکا کے بیشتر اڈے اب قابل استعمال نہیں رہے۔ سب جانتے ہیں کہ سینٹکام کا کمانڈر اب دوحہ کے باہر العدید ایئر بیس میں واقع اپنے سابق ہیڈکوارٹر سے کارروائیاں نہیں چلا رہا اور یہ مقام اب قابلِ استعمال نہیں ہے۔ انہوں نے کہا کہ دوحہ میں سو ملین ڈالر کی ایک انتہائی خوبصورت تنصیب تھی جسے قطریوں نے ہمارے لیے تعمیر کیا تھا۔ میں نے اس کی افتتاحی تقریب منعقد کی تھی، اور بظاہر اب اس کی چھت میں کئی سوراخ ہو چکے ہیں اور دیگر ہیڈکوارٹرز کی صورتحال بھی یہی ہے۔