Raza Musani 
تہران : ایرانی آرمی چیف جنرل عبدالرحیم موسوی نے دعویٰ کیا ہے کہ امریکا واسرائیل نے سیکورٹی فورسز پر حملوں کیلئے داعش کے دہشت گردوں کو استعمال کیا۔ جنرل موسوی نے کہا کہ یہ اقدام ایران کے خلاف حالیہ بارہ روزہ جنگ میں واشنگٹن اور تل ابیب کی ناکامی کے بعد سامنے آیا۔ انہوں نے داعش کے دہشت گردوں کو کرائے کے جنگجو قرار دیتے ہوئے کہا کہ ان کا مقصد ملک میں بدامنی اور خونریزی پھیلانا تھا۔ جنرل موسوی نے واضح کیا کہ ایران اپنی خودمختاری اور علاقائی سالمیت کی کسی بھی خلاف ورزی کو ہرگز برداشت نہیں کرے گا۔
ایرانی اسپیکر باقر قالیباف نے پارلیمنٹ میں اظہار خیال کرتے ہوئے کہا کہ گذشتہ روز ریلیوں میں عوام کی غیرمعمولی شرکت کے دشمن کے مداخلت والے ہاتھ کاٹ دئے۔ انہوں نے کہا کہ اس میں کوئی شک نہیں کہ ملکی تاریخ اس دن کو اپنے باوقار صفحات میں ایک تاریخی دن کے طور پر درج کرے گی۔
