Raza Musani 
صنعا : امریکا نے یمن میں انصار اللہ کے ٹھکانوں پر فضائی حملے کیے ہیں۔ جس میں مختلف مقامات کو نشانہ بنایا گیا۔امریکی سینٹرل کمانڈ۔ سینٹ کام نےکہاہے کہ اس نے دارالحکومت صنعا میں حوثیوں کے ٹھکانوں پر فضائی حملوں میں میزائلوں کے ذخیرے اور کمانڈ اینڈ کنٹرول سائٹ کو نشانہ بنایا ہے۔ حملوں کے دوران امریکا نے غلطی سے بحیرۂ احمر میں اپنا ہی طیارہ مار گرایا۔ سینٹ کام نے کہا ہے کہ غلطی سے گرائے گئے طیارے کے دونوں پائلٹ بچ گئے ہیں۔
یاد رہے کہ غزہ پر اسرائیلی جارحیت کے جواب میں گزشتہ روز یمنی فوج نے تل ابیب پر میزائل حملہ کیا تھا جس کے نتیجے میں 16 افراد زخمی ہوئے۔
