اقوام متحدہ کا جنگ بندی کی کوششیں جاری رکھنے پر زور

نیویارک: اقوام متحدہ نے امریکا اور ایران کے درمیان جنگ بندی سے متعلق سفارتی کوششیں جاری رکھنے پر زور دیتے ہوئے خبردار کیا ہے کہ مکمل جنگ کی واپسی تباہ کن ثابت ہو سکتی ہے۔اقوام متحدہ کے سربراہ انتونیو گوتریس کی جانب سے ان کے نائب ترجمان فرحان حق نے کہا ہےکہ اقوام متحدہ مختلف فریقین کی بیان بازی پر زیادہ توجہ دینے کے بجائے اس بات کو اہم سمجھتا ہے کہ مذاکرات میں شامل تمام فریق سفارتی عمل سے وابستہ رہیں۔ انہوں نے کہا کہ اقوام متحدہ پاکستان کے ثالثی کردار کو سراہتا ہے اور چاہتا ہے کہ یہ سفارتی کوششیں مسلسل جاری رہیں۔ فرحان حق نے خبردار کیا کہ اگر خطے میں دوبارہ مکمل جنگ شروع ہوئی تو اس کے نتائج تباہ کن ہوں گے، جیسا کہ سیکریٹری جنرل متعدد بار خبردار کر چکے ہیں۔