Raza Musani 
جدہ : او آئی سی نے صومالی لینڈ کو تسلیم کرنے کے اسرائیلی فیصلے اور فلسطین میں اسرائیل کی فوجی جارحیت کیخلاف قراردادیں منظور کرلیں۔ اسلامی تعاون تنظیم کی وزرائے خارجہ کونسل کا جدہ میں بائیس واں غیر معمولی اجلاس ہوا۔
اجلاس میں منظور کی گئی پہلی قرارداد میں صومالیہ کے خطے صومالی لینڈ کو آزاد ریاست تسلیم کرنے کے فیصلے اور فلسطینیوں کے خلاف اسرائیلی جارحیت اور انہیں بے گھر کرنے کے منصوبے کی مذمت کی گئی۔ مسلم ممالک کو خدشہ ہے کہ یہ اقدام فلسطینیوں کی زبردستی افریقی خطے میں منتقلی کے منصوبے کا حصہ ہو سکتا ہے۔ سیکرٹری جنرل حسین برہم طہٰ نے کہا کہ او آئی سی صومالیہ کی خودمختاری اور علاقائی سالمیت کی حمایت کرتی ہے۔ صومالی لینڈ کے حوالے سے اسرائیلی اقدام بین الاقوامی قوانین کی خلاف ورزی ہے۔ سعودی عرب کے نائب وزیر خارجہ ولید بن عبدالکریم الخیرجی نے کہا کہ صومالیہ کی خودمختاری کو نقصان پہنچانے کی تمام کوششوں کو مسترد کرتے ہیں۔
