تر ک فوج کے عراق میں حملے، تعلقات میں سخت کشیدگی

ترک فوج نے شمالی عراق میں پی کے کے، کے درجنوں اہداف کو نشانہ بنایا ، جنگی طیاروں نے شمالی عراق میں مخمور و سنجار کے قریب پناہ گزیں کیمپ کو بھی نشانہ بنایا
ترک سفیر فاتح ییلدیز کی وزارت خارجہ طلبی، ترکی کا حملہ اشتعال انگیز اور اچھی ہمسائیگی کے اصولوں کے منافی ہے،مناسب وقت پر کرارا جواب دیا جائے گا،عراق
انقرہ/بغداد(نیوزڈیسک) ترکی کی عراق کے اندر اشتعال انگیز کارروائیوں سے دونوں ممالک کے تعلقات میں کشیدگی آگئی ہے، عراقی وزارت خارجہ نے شمالی عراق پر ترکی کے جنگی طیاروں کے حملے کے خلاف احتجاج کے طور پر چوبیس گھنٹوں میں دوسری بار ترکی کے سفیر کو طلب کرکے ترکی کے اقدام کو عراق کے اقتدار اعلی کی توہین قرار دیا ، ترکی کے سفیر فاتح ییلدیز کو وزارت خارجہ طلب کرکے انھیں ایک احتجاجی یادداشت دی گئی ہے جس میں حکومت ترکی سے کہا گیا ہے کہ وہ اشتعال انگیز اقدامات اور عراق کے قومی اقتدار اعلی کی خلاف ورزی کرنے سے باز آجائے عراق کی مسلح افواج کے ترجمان یحیی رسول نے کہا کہ شمالی عراق پر ترکی کا حملہ اشتعال انگیز اور اچھی ہمسائیگی کے اصولوں کے منافی ہے ، عراق ترکی کو آئندہ ایسے حملوں کی ہرگز اجازت نہیں دے گا، ترکی کے حملوں کا مناسب وقت پر کرارا جواب دیا جائے گا، اس سے پہلے ترک فوج نے شمالی عراق میں پی کے کے، کے درجنوں اہداف کو نشانہ بنایا ،ترک جنگی طیاروں نے شمالی عراق میں مخمور و سنجار کے قریب واقع پناہ گزیں کیمپ کو نشانہ بنایا تھا۔