Raza Musani 
انقرہ : ترک حکومت نے آئندہ دو سال میں شامی پناہ گزینوں کو واپس بھیجنے کا منصوبہ بنالیا۔ ترک وزارت خارجہ نے شامی پناہ گزینوں کی واپسی کے لیے روڈ میپ تیار کیا ہے جس میں سیف زونز اور حکومت کے زیر کنٹرول علاقے شامل ہیں۔ یہ منصوبہ رواں ماہ کے شروع میں ماسکو میں روس، ترکی، ایران اور شامی حکومت کے وزرائے خارجہ کے درمیان ملاقات کے بعد تیار کیا گیا ہے۔ چاروں ممالک کی دفاع اور انٹیلی جنس وزارتوں کے ساتھ مل کر ترکیہ اور شامی حکومت کے درمیان تعلقات کو فروغ دینا بھی منصوبے کا حصہ ہے۔ چاروں ممالک نے شامی پناہ گزینوں کی رضاکارانہ، محفوظ اور باوقار واپسی پر زور دیا۔ صدر طیب اردگان نے ایک انٹرویو میں کہاکہ چار لاکھ 50 ہزار شامی مہاجرین واپس جا چکے ہیں اور ہم دس لاکھ کو بھیجنے کا ارادہ رکھتے ہیں۔
