Raza Musani 
تہران: ایرانی وزیرِ خارجہ عباس عراقچی نے امریکا اور اسرائیل کو نئی فوجی کارروائی سے خبردار کرتے ہوئے کہا ہے کہ ایران کو دوبارہ آزمانا اپنی ناکامیوں کو دہرانے کے مترادف ہوگا۔ نئی دہلی میں برکس وزرائے خارجہ اجلاس کے موقع پر میڈیا سے گفتگو میں عباس عراقچی نے کہا کہ ایران دھمکیوں کا عادی ہو چکا ہے کیونکہ واشنگٹن اور تل ابیب طویل عرصے سے مختلف انداز میں دباؤ ڈالنے کی کوشش کرتے رہے ہیں۔ انہوں نے کہا کہ امریکا اور اسرائیل خود بھی جانتے ہیں کہ دھمکیوں اور جنگ کے ذریعے اپنے مقاصد حاصل نہیں کر سکے۔ عراقچی کا کہنا تھا کہ ایران دباؤ اور دھمکیوں کے سامنے جھکتا نہیں بلکہ مزاحمت کرتا ہے۔ ایران سے متعلق مسائل کا کوئی فوجی حل موجود نہیں اور تمام تنازعات کا حل صرف سیاسی اور سفارتی راستے سے ممکن.
