Raza Musani 
تہران : امریکی صدر ڈونلڈ ٹرمپ نے آبنائے ہرمز کھولنے کیلئے ایران کو نئی دھمکی دیدی۔ ایرانی پاسداران انقلاب نے خبردار کیا ہےکہ پورا خطہ امریکیوں کیلئے جہنم بنادیں گے۔
امریکی صدر ٹرمپ نے کہا ہےکہ ایران کو معاہدہ کرنے یا آبنائے ہرمز کھولنے کے لیے دس دن کا وقت دیا تھا یہ وقت ختم ہو رہا ہے اور اس میں اڑتالیس گھنٹے رہ گئے ہیں۔ ٹرمپ نے یہ بھی کہا کہ معاہدہ نہ ہوا تو ایران پر قیامت ٹوٹ پڑے گی۔
ایران کے خاتم الانبیا مرکزی ہیڈکوارٹرز کے ترجمان کرنل ابراہیم ذوالفقاری نے امریکہ اور اسرائیل کو خبردار کیا ہے کہ اگر کشیدگی میں اضافہ جاری رہا تو پورا خطہ ان کے لیے جہنم بن جائے گا۔ ایران کو شکست دینے کا وہم ایک دلدل میں تبدیل ہو جائے گا جس میں آپ دھنس جائیں گے۔ دوسری جانب خاتم الانبیا بریگیڈ کے کمانڈر علی عبداللهی نے بھی دھمکی دی کہ کے انفراسٹرکچر یا قومی اثاثوں پر کسی بھی حملے کا جواب انتہائی سخت اور تباہ کن ہوگا، امریکہ اور اسرائیل کے لیے جہنم کے دروازے کھول دیے جائیں گے۔
