48 گھنٹوں میں معاہدہ نہ کیا تو پورا ایران تباہ کردیں گے، ٹرمپ کی گیڈر بھپکیاں

واشنگٹن : امریکا کے جنگی جنونی صدر ڈونلڈ ٹرمپ نے ایک انٹرویو میں ایران کو خبردار کیا ہے کہ اگر اڑتالیس گھنٹوں میں معاہدہ نہ کیا تو امریکا پورے ملک کو تباہ کر دے گا۔ اے بی سی نیوز کو انٹرویو میں ڈونلڈ ٹرمپ نےکہا کہ ایران کو ہفتوں میں نہیں دنوں میں معاہدہ کرنا ہوگا۔ ورنہ بڑے پیمانے پر حملے کیے جائیں گے۔ ایران کے پلوں، پاور پلانٹس اور دیگر اہم انفراسٹرکچر کو نشانہ بنایا جا سکتا ہے۔ ٹرمپ نے کہا کہا گرچہ زمینی فوج بھیجنا ضروری نہیں، لیکن اسے مکمل طور پر خارج از امکان بھی قرار نہیں دیا جا سکتا۔ اس سے پہلے ٹرمپ نے سوشل میڈیا پوسٹ میں دھمکی دی تھی کہ اگر ایران نے آبنائے ہرمز نہ کھولی تو شہری تنصیبات کو نشانہ بنایا جائے گا اور ایران پر قیامت ٹوٹ پڑے گی ۔ منگل ایران کے لیے پاور پلانٹ ڈے اور برج ڈے ہوگا۔ ٹرمپ نے اس پوسٹ میں گالیوں کا بھی استعمال کیا۔ جس کی دنیا بھر میں مذمت کی جارہی ہے۔