ٹرمپ نے سعودیہ سے ایمٹی معاہدہ ابراہیمی معاہدے میں شمولیت سے مشروط کردیا

واشنگٹن: امریکی صدر ڈونلڈ ٹرمپ نے کہا ہے کہ امریکا سعودی عرب سول جوہری معاہدے کی منظوری سعودی عرب کی معاہدہ ابراہیمی میں شمولیت سے مشروط ہوگی۔ امریکی صدر نے ٹروتھ سوشل پر لکھا کہ سعودی عرب سے سول جوہری معاہدہ صرف غیر فوجی استعمال سے متعلق ہے۔ معاہدے میں کسی بھی مواد کی افزودگی نہیں ہوگی۔ انھوں نے وضاحت کی کہ یہ معاہدہ ویسا ہی ہے کہ جیسا کہ ایران، متحدہ عرب امارات اور دیگر ممالک کے پاس پہلے سے موجود ہے۔ امریکی صدر نے کہا کہ یہ معاہدہ منظور کر لیا جائے گا لیکن یہ مکمل طور پر اس شرط سے مشروط ہوگا کہ سعودی عرب انتہائی قابلِ احترام اور کامیاب ابراہام معاہدوں میں شامل ہو۔ انھوں نے ایک بار پھر کہا کہ امریکا سول جوہری تنصیبات کی مخالفت نہیں کرتا۔