Raza Musani 
جنیوا: یورپی ممالک میں فلسطینی حامی ہزاروں مظاہرین سڑکوں پرآگئے اور فوری جنگ بندی کا مطالبہ کیا۔ جرمن دارالحکومت برلن میں دو ہزار سے زائد افراد پوٹسڈیمر پلاٹز میں جمع ہوئے اور وفاقی پارلیمان کی عمارت کی طرف مارچ کیا۔
مظاہرین ‘جرمنی فنڈنگ اور اسرائیل بمباری کر رہا ہے’. ‘اسرائیل کو مسلح کرنا بند کرو’ جیسے نعرے لگا رہے تھے۔ مظاہرین نے اسرائیل کی حمایت بند کرو اور یہودی برادری نسل کشی کی حمایت کے خاتمے کا مطالبہ کرتی ہے کے بینرز اٹھارکھے تھے۔
جنیوا میں ہزاروں افراد نے فلسطین سے اظہار یکجہتی کے لیے پلیس ڈی نیو اسکوائر سے اقوام متحدہ کے دفتر تک احتجاجی ریلی نکالی۔
آئرلینڈ کے دارالحکومت ڈبلن میں فلسطین یکجہتی مہم کے زیراہتمام ریلی نکالی گئی۔ فلسطینی اور آئرش پرچم اٹھائے مظاہرین نے کِلڈیرے اسٹریٹ پر مارچ کیا۔ مظاہرین نے غزہ میں مہینوں سے جاری جنگ روکنے اور مستقل جنگ بندی کا مطالبہ کیا۔
