اسلحہ کی کمی کا سوال اٹھانے والے غدار ہیں، امریکی صدر

واشنگٹن : امریکی صدر ڈونلڈ ٹرمپ نے ایران کے خلاف جنگ میں امریکی اسلحہ و گولہ بارود کی کمی پر سوال اٹھانے والوں کو غدار قرار دے دیا۔ ٹرمپ نےکہا کہ امریکا کے پاس ممکنہ جنگ کے لیے وافر مقدار میں گولہ بارود موجود ہے۔ ڈونلڈ ٹرمپ نے سوشل میڈیا پلیٹ فارم ٹروتھ سوشل پر امریکی اسلحہ ذخائر سے متعلق تنقید کرنے والوں کو سخت تنقید کا نشانہ بنایا۔ انہوں نے ناقدین پر الزام عائد کیا کہ وہ امریکا کو جنگ ہارتا دیکھنا چاہتے ہیں، حالانکہ ان کے بقول امریکا یہ جنگ آسانی سے جیت رہا ہے۔ ایران کے معاملے پر میں نے درست فیصلہ کیا۔ ٹرمپ نے دعویٰ کیا کہ امریکا کے پاس لامحدود مقدار میں گولہ بارود موجود ہے۔ ٹرمپ نے سابق صدر جو بائیڈن پر بھی تنقید کرتے ہوئے دعویٰ کیا کہ یوکرین اور نیٹو کو مفت میں سینکڑوں ارب ڈالر کی فوجی امداد دی گئی۔ انہوں نے کہا کہ امریکا اپنے اتحادیوں کو اسلحے کی فروخت جلد بحال کرے گا، جبکہ یورپی ممالک سے یوکرین کے لیے فراہم کی گئی امداد کی رقم بھی واپس لینے کی کوشش کی جائے گی۔