Raza Musani 
غزہ : صیہونی فوج نے مسلسل دوسرے دن بھی غزہ پرحملے کرکے تین فلسطینیوں کو شہید اور کئی کو زخمی کردیا۔ اسرائیلی فضائیہ نے محصور غزہ کےمختلف علاقوں کو اپنے حملوں کا نشانہ بنایا۔ حملے میں کئی مقامات پر اسٹرکچر کو نقصان پہنچا اور ایک فلسطینی شہید اور کئی زخمی ہوگئے۔ صیہونی فوج کا کہنا ہے کہ اس نے غزہ سے داغے گئے راکٹوں کے جواب میں اسلامی جہاد کے ٹھکانوں کو نشانہ بنایا ہے۔ مزاحمتی تنظیم حماس نےغزہ سے راکٹ داغنے کو صیہونی قتل عام کا جواب قراردیا ہے۔ راکٹ حملوں کے پیش نظر غزہ سرحد کے قریب رہنے والے صیہونی آبادکاروں کو پناہ گاہوں کے اندر یا قریب رہنے کی ہدیات کی گئی ہے۔ اُدھر صیہونی فوج مقبوضہ مغربی کنارے کے علاقے جنین پر چڑھائی کردی۔ صیہونی فوج نے خان یونس میں ایک کار کو اینٹی ٹینک گائیڈڈ میزائل سے اڑادیا جس سے کار مکمل تباہ ہوگئی اور اس میں موجود دو فلسطینی شہید ہوگئے۔ شہدا کی شناخت 19 سالہ احمد جمال عساف اور 24 سالہ وارنی ولید کے نام سے کی ہے۔
