یمنی بحریہ کا بحیرہ احمر میں اسرائیل جانے والے برطانوی آئل ٹینکر پر میزائل حملہ

صنعا: انصار اللہ نے بحیرہ احمر میں برطانوی آئل ٹینکر کو میزائل سے نشانہ بنایا ہے۔ یمنی فوج کے مطابق بحیرہ احمر اور بحرہند میں یمنی نیوی کی کارروائیاں جاری ہیں اور اس نے میزائلوں سے برطانوی آئل ٹینکر کو نشانہ بنایا ہے جو اسرائیل بندرگاہ کی طرف جارہا تھا، یمنی فوج کے ترجمان یحییٰ السریع کے مطابق سعدہ میں ایک امریکی ڈرون کو بھی مار گرایا ہے۔
یمنی فوج نے دعویٰ کیا ہے کہ اس نے بحر ہند میں اسرائیلی جہازوں کو تباہ کرنے کی صلاحیت حاصل کرلی ہے۔ناصرف بحیرہ احمر سے اسرائیلی جہازوں کا گزرنا محال بنادیا ہے بلکہ اب اس نے کارروائیوں کا دائرہ بحر ہند تک بڑھا دیا ہے اگر امریکہ یا برطانیہ جنگی جرائم سے باز نہیں آئے تو یمنی فوج دونوں ملکوں کے خلاف جارحانہ حملے کرے گی۔