یوکرین میں دنیا کا سب سے بڑا جہاز تباہ

کیف : یوکرین پر حملے کے چوتھے روز روس نے یوکرین کے دارالحکومت کیف کے نواح میں دنیا کے سب سے بڑے جہاز انتونوف 225 کو تباہ کردیا ہے۔ جہاز گوستومل ایئرپورٹ پر موجود تھا، جو دارالحکومت سے تقریباً 20 کلومیٹر پر واقع ہے۔ یوکرین میں تباہ ہونے والے جہاز کا نام ماریہ تھا جس کا یوکرینی زبان میں مطلب خواب بنتا ہے۔ یوکرین کے وزیر خارجہ دمیترو کولیبا نے اتوار کو ٹویٹ میں لکھا ماریہ، اے این 225 دنیا کا سب سے بڑا جہاز تھا۔