Raza Musani 
تہران: ایرانی وزیر خارجہ عباس عراقچی نے کہا ہے کہ دنیا امریکی مالیاتی نظام پر اعتماد کھو رہی ہے۔ انہوں نے خبردار کیا کہ امریکی قرضوں کی مالی اعانت کے بحران کے اثر کا ابھی صرف آغاز ہے۔
عباس عراقچی نے سوشل میڈیا پر امریکی مالیاتی نظام کی صورتحال پر ردعمل دیتے ہوئے یہ بیان دیا۔
انہوں نے امریکی وزیر خزانہ اسکاٹ بیسنٹ پر ایرانی معیشت کو کمزور کرنے کی کوششوں پر تنقید کی۔
عراقچی کے مطابق امریکی اقتصادی دباؤ کے بجائے خود واشنگٹن کا مالیاتی نظام مشکلات کا شکار ہو رہا ہے۔ انہوں نے کہا کہ دنیا کا امریکی مالیاتی نظام پر اعتماد مسلسل کم ہو رہا ہے۔ رپورٹ کے مطابق امریکا کا قومی قرض 40 ٹریلین ڈالر سے تجاوز کر چکا ہے۔امریکی ٹریژری بانڈز پر شرح منافع میں اضافے کے باعث حکومت کے قرض لینے کی لاگت بھی بڑھ رہی ہے۔
مہنگائی، بلند شرح سود اور ایران کے خلاف جنگ کے معاشی اثرات نے امریکی معیشت پر دباؤ مزید بڑھا دیا ہے۔
عراقچی نے خبردار کیا کہ امریکی قرضوں کی مالی اعانت کی لاگت میں بحران صرف ابتدا ہے۔
