ویٹو کرنے والے ملک کو لازمی جواز فراہم کرنا ہوگا، جنرل اسمبلی میں قرارداد متفقہ طور پر منظور

نیویارک : اقوام متحدہ کی جنرل اسمبلی نے سلامتی کونسل میں ویٹو کا جواز لازمی فراہم کرنے کی قرارداد متفقہ طور پر منظور کرلی۔اقوام متحدہ کے تمام 193 رکن ممالک نے قرارداد کے حق میں ووٹ دیا۔ قرار داد کے مطابق سلامتی کونسل کے پانچ مستقل ارکان اگر کسی معاملے پر اپنا ویٹو کا حق استعمال کریں گے تو ان پرلازم ہوگا کہ وہ اس کا جواز فراہم کریں۔ قرار داد کے مطابق 10روز کے اندر جنرل اسمبلی کا اجلاس طلب کرکے ویٹو کرنے والے ملک سے جواز مانگا جاسکے گا۔قرارداد یورپی ملک لکتونسٹائن کی جانب سے پیش کی گئی تھی۔سلامتی کونسل میں چین، فرانس، روس ، برطانیہ اور امریکا کو ویٹو کا اختیار حاصل ہے۔