عالمی فوجداری عدالت پر امریکی پابندی افسوسناک ہے

دہشت گردوں کے بجائے عدالت پر پابندی افسوسناک ہے، عدالتی پراسیکیوٹر
ہیگ (نیوز ڈیسک)عالمی فوجداری عدالت نے اپنے خلاف امریکی پابندیوں پر اظہار افسوس کرتے ہوئے اسے انتقامی کارروائی قرار دیا ہے ، پراسیکیوٹر فاتو بینسودا نے ایک انٹرویو میں کہا کہ بین الاقوامی فوجداری عدالت کے خلاف امریکی پابندیاں افسوسناک ہیں اور اس کا یہ اقدام باعث تشویش ہے ، امریکا کا یہ اقدام عدالتی عمل میں مداخلت شمار ہوتا ہے، بینسودا نے کہا کہ اس قسم کی پابندیاں عالمی عدالت کے بجائے دہشت گردوں اور اسمگلروں کے خلاف عا ئد کرنے کی ضرورت ہے مگر یہ پابندیاں وکلا اور ایک بین الاقوامی ادارے کے خلاف لگائی گئی ہیں ،انھوں نے کہا کہ امریکا و اسرائیل عالمی عدالت کے خلاف متحد ہو گئے ہیں مگر یہ عدالت خواہ افغانستان ہو یا فلسطین، تمام مسائل کا جائزہ لے گی اور یہ اس کے فرائض میں شامل ہے