Raza Musani 
واشنگٹن: امریکی حکومت نے اپنے ٹیکس دہندگان کے مزید پچانوے ارب ڈالر جنگوں میں جھونکنے کی منظوری دیدی۔ امریکی ایوان نمائندگان نے طویل تعطل اور رکاوٹوں کے بعد یوکرین۔ اسرائیل اور تائیوان کیلئے امدادی پیکج منظور کرلیا ہے۔ بل میں 26 ارب ڈالر اسرائیل کیلئے مختص ہیں جس میں چودہ ارب ڈالرکی فوجی امداد بھی شامل ہے۔ بل میں یوکرین کیلئے 61 ارب ڈالر کی منظوری دی گئی ہے۔جبکہ آٹھ ارب ڈالر تائیوان کیلئے بھی رکھے گئے ہیں۔غیر ملکی امداد کا یہ بل اب منظوری کے لیے سینیٹ میں جائے گا۔ یوکرین کے لیے امریکی امدادی بل کی منظوری پر روس نے شدید ردعمل کا اظہار کیا ہے۔
کریملن نے خبردار کیا ہے کہ امریکا کی طرف سے یوکرین کے لیے امداد کی منظوری اسے مزید تباہ کردے گی۔ یوکرین تنازعہ میں مزید ہلاکتیں ہوں گی۔
