Raza Musani 
مسقط: ایران میں قیدیوں کے تبادلے کے تحت رہا کیے گئے تینوں یورپی باشندے اپنے ممالک کو لوٹ گئے۔ تینوں افراد میں سے دو آسٹریا اور ایران کی دُہری شہریت رکھتے ہیں جبکہ ایک ڈینش شہری ہے۔ انھیں ایران نے اپنے سفارت کار اسد اللہ اسدی کے بدلے میں جمعہ کو رہا کیا تھا۔ تینوں افراد کوخلیجی سلطنت عمان لایا گیا جہاں طبی معائنے اور مختصر قیام کے بعد انہیں بیلجیئم پہنچادیا گیا۔ ادھر ڈنمارک کے شہری تھامس جیمز کوپن ہیگن پہنچ گئے۔ایرانی وزیر خارجہ حسین امیر عبداللہیان کہا ہے کہ انھیں امید ہے کہ قیدیوں کی رہائی سے بیلجیئم اور یورپ کے ساتھ ایران کے تعلقات کا ایک نیا صفحہ کھل جائے گا۔ انھوں نے کہا کہ اگر غیر ملکی سیکیورٹی اداروں کی جانب سے کچھ یورپی شہریوں کا استحصال نہیں کیا جاتا تو انھیں حراست میں لینے کا کوئی جواز نہیں تھا۔
