مشرق وسطیٰ کے حالات عالمی امن کیلئے خطرناک ہیں، اقوام متحدہ

نیویارک: اقوام متحدہ کے سیکریٹری جنرل انتونیو گوتریس نے سوشل میڈیا ایکس پر پیغام میں مشرق وسطیٰ کے حالات کو عالمی امن کے لیے خطرناک قرار دیا ہے۔ اقوام متحدہ کے سیکریٹری جنرل انتونیو گوتریس نے عالمی طاقتوں سے خطے میں استحکام کیلئے کام کرنے کی اپیل کی ہے۔ان کا کہنا تھا کہ ایران اسرائیل تنازعے سے مشرق وسطیٰ میں حالات مزید خراب ہوچکے ہیں۔ سلامتی کونسل اس سلسلے میں اپنا کردار ادا کرسکتی ہے۔غزہ کی صورتحال اس بات کر تقاضہ کررہی ہے کہ وہاں فوری جنگ بندی کی جائے اور غزہ کے شہریوں کو غذا اور طبی امداد کی بلا روک فراہمی یقینی بنائی جائے۔ عالمی طاقتیں عالمی انصاف کے لیے اپنا کردار ادا کریں۔اگر غزہ کی حالات بہتر نہ ہوئے تو اس کے اثرات پوری دنیا پر پڑیں گے۔