Raza Musani 
تل ابیب : اسرائیلی میڈیا نے صومالی لینڈ کو خودمختار ریاست تسلیم کرنے کا مقصد غزہ سے فلسطینیوں کی جبری منتقلی قرار دیا ہے۔ اسرائیلی میڈیا کے مطابق اسرائیل کا صومالی لینڈ کو خود مختار ریاست تسلیم کرنا وسیع تر حکمتِ عملی کا حصہ ہو سکتا ہے۔ اور اس کا مقصد اہلیان غزہ کی جبری منتقلی کے لیے دباؤ بڑھانا بتایا جا رہا ہے۔ اسرائیلی امورِ کے امریکی ماہر ایڈو ڈیمبن نے آئی نیوز ٹوئنٹی فور کو بتایا کہ کہ صومالی لینڈ کو ٹرمپ کے غزہ رویرا منصوبے کے تحت غزہ کے باشندوں کی میزبانی کے ایک ممکنہ آپشن کے طور پر پیش کیا گیا تھا۔ امریکی ماہر کے مطابق یہ اقدام اس بات کا اشارہ ہے کہ اسرائیل ایسے متبادل راستوں پر غور کرنے کے لیے تیار ہے، چاہے اس کے لیے ایسے علاقے کو ہی کیوں نہ تسلیم کرنا پڑے جسے دنیا کے دیگر ممالک تسلیم نہیں کرتے۔ انہوں نے اسے ایک غیر متوقع فیصلہ قرار دیا اور کہا کہ یہ ماضی میں کوسووو جیسے ممالک کو تسلیم کرنے کے اسرائیلی فیصلوں سے مشابہت رکھتا ہے۔
