Raza Musani 
ننگر پارکر : آرمی چیف جنرل قمر جاوید باجوہ نے کہا ہے کہ پاکستان میں اقلیتی برادری کو برابر کے حقوق حاصل ہیں، اقلیتوں کی حفاظت ریاستی ذمہ داری ہے۔آئی ایس پی آر کے مطابق آرمی چیف جنرل قمر جاوید باجوہ نے ننگرپارکر کا دورہ کیا جہاں انہوں نے جوانوں کے ساتھ دن گزارا۔ آئی ایس پی آر کے مطابق آرمی چیف کو فارمیشن کی آپریشنل تیاریوں پر بریفنگ دی گئی۔ اس موقع پر آرمی چیف نے افسروں اور جوانوں کے بلند حوصلے کو سراہتے ہوئے کہا کہ اپنی پیشہ ورانہ تیاریوں پر توجہ مرکوزرکھیں، کسی بھی چیلنج کےموثرجواب کیلئے تربیت جاری رکھیں۔ آئی ایس پی آر کے مطابق آرمی چیف سے مقامی ہندوبرادری نے بھی ملاقات کی، اقلیتوں کو محفوظ ماحول دینے پر ہندو کمیونٹی نے پاکستان کی کوششوں کوسراہا۔ آئی ایس پی آر کے مطابق کورکمانڈر کراچی اورڈی جی رینجرز سندھ بھی آرمی چیف کے ہمراہ تھے۔
