Raza Musani 
واشنگٹن : امریکا اور ثالث ممالک نے اتفاق کیا ہے کہ رفح کراسنگ کا انتظام فلسطینی اتھارٹی اور یورپی یونین مل کر سنبھالیں گے۔ عبرانی زبان کے اسرائیلی چینل کان نے رپورٹ کیا ہے کہ ثالث ممالک اور امریکا کے درمیان یہ معاہدہ طے پایا ہے کہ رفح کراسنگ کے دوبارہ کھلنے کی صورت میں اس کا انتظام فلسطینی اتھارٹی یورپی یونین کی ایک ٹیم کے ہاتھ میں ہوگا۔ رپورٹ کے مطابق یورپی اہلکار اپنی شناخت چھپانےکے لیے یا سرکاری وردی یا سادہ لباس میں موجود ہوں گے۔ معاہدے کے تحت دونوں فریق اس بات پر بھی متفق ہوئے ہیں کہ رفح کراسنگ اسی وقت کھولی جائے گی جب اس کا دونوں اطراف سے آپریشن ممکن ہو، اور اسے یک طرفہ طور پر صرف غزہ سے مصر کی جانب کھولنے کی اجازت نہیں دی جائے گی، جیسا کہ اسرائیل کا مطالبہ رہا ہے۔
