صیہونی فوج کی واحد کامیابی تباہی اور نسل کشی ہے، حماس

غزہ : حماس نے کہاہے کہ غزہ میں صیہونی فوج کی واحد کامیابی تباہی اور نسل کشی ہے۔ حماس کے عسکری ونگ القسام بریگیڈز کے ترجمان ابو عبیدہ نے کہا ہےکہ شمالی غزہ میں سو دن کےعرصے میں بڑے پیمانے پر تباہی اور نسل کشی کے بعد بھی صیہونی فوجی ہمارے جنگجو کے ہاتھوں مسلسل بھاری جانی و مالی نقصان اٹھا رہے ہیں۔ گزشتہ 72 گھنٹوں میں 10 سے زائد فوجی ہلاک اور درجنوں زخمی ہوئے۔ فوجی ترجمان نے مزید زور دے کر کہا کہ قابض فوجیوں کے نقصانات اس سے کہیں زیادہ ہیں جو وہ تسلیم کرتی ہے۔ دشمن مزاحمت کو توڑنے سے قاصر ہو کر ذلت کے ساتھ شمالی غزہ سے پیچھے ہٹ جائے گا۔ اسرائیلی قابض فوج کی واحد کامیابی تباہی، بربادی اور بے گناہ لوگوں کے خلاف قتل عام ہے۔